VİDEO


Maraqlı

Müsahibə

Gündəm

Reportaj

Müxtəlif



Oktyabr 2017
BE ÇA Ç CA C Ş B
« Sen    
 1
2345678
9101112131415
16171819202122
23242526272829
3031  

XƏBƏR LENTİ

19 Oktyabr 2017

09 Oktyabr 2017 - 14:38

Əsabil Qasımovun şirkəti Yasamalda ağacları məhv edir- ŞƏRİFZADƏ KÜÇƏSİNDƏ “YAŞIL SOYQIRIM” - ÖZƏL FOTOLAR

esabil sky resedince kollaj

Ölkə başçısının Bakı şəhərində yaşıllıqların qorunması ilə bağlı ciddi tapşırıqlar verməsinə baxmayaraq, bəzi “işbazlar” buna məhəl qoymadan yaşıllıq zonalarını məhv etməkdən çəkinmirlər. Belə ki, son dövrlərdə məhəllələrdə, yol kənarlarında yaşıllıqların məhv edilməsi sanki adi hala çevrilib. Bu cür mənzərə daha çox Yasamal rayonu ərazisində qeydə alınmaqdadır.

Hələ bir neçə ay bundan öncə ölkə başçısının müdaxiləsi nəticəsində Yasamal rayonu ərazisində, Mətbuat prospektində “Ovçular evi” və ətrafındakı yaşıllıq zonası məhv edilərək yerində inşası nəzərdə tutulan hündürmərtəbəli bir binanın tikintisi dayandırıldı. Dövlət başçısının tapşırığına əsasən orada park salındı. Bu hadisədən sonra Yasamal Rayon İcra Hakimiyyətinin başçısı İbrahim Mehdiyev vəzifəsindən azad edildi. Azərbaycan prezidentinin bu mövqeyindən sonra belə, Yasamal rayonu ərazisində yaşıllıqlara qarşı münasibət dəyişmədi ki, dəyişmədi…

Belə ki, Yasamal rayonunun yerli icra orqanları bundan nəticə çıxarmaq əvəzinə bu prosesi daha da sürətləndirdilər. Qeyd edık ki, son dövrlərdə Yasamal Rayon İcra Hakimiyyətinin iş adamları ilə əlbir olaraq həyata keçirdikləri layihələrin icrası zamanı vətəndaşların hüquqları kobud surətdə pozulur, yaşıllıqlar məhv edilir. Buna misal olaraq bir müddət öncə Yasamal rayonu, Zahid Xəlil küçəsində, Abbas Mirzə Şərifzadə küçəsi 162 və 174 ünvanında, “İnşaatçılar” metrosunun yanında beşmərtəbəli binaların sökülməsini qeyd etmək olar. “İşbazlar” sözügedən ünvanda yerləşən binaların qəzalı olması adı ilə əhalini köçürərək, onun yerində hündürmərtəbəli bina tikməyi planlaşdırır.  Onu xüsusilə qeyd etmək lazımdır ki, bu ünvanlar “İnşaatçılar” metrosunun yaxınlığındadır və burada ucaldılacaq göydələnlərin aşağı mərtəbələri ticarət mərkəzi olacaq.

Bir məqamı da vurğulamaq istərdik ki, Şərifzadə küçəsinin sözügedən göydələnlərin tikiləcəyi yerin qarşı tərəfi birmərtəbəli binalardır və şəhərin arxitekturasına uyğun gəlmir. Amma “SKY Residence” MMC və “Qismət” MMC həmin ərazidə göydələn tikmək əvəzinə nədənsə beşmərtəbəli binaları hədəf seçib. Həmin binalardan əhali köçürülərkən onlara təklif edilən məbləğ az olduğundan bu, bina sakinlərinin etirazına səbəb olub. Lakin buna baxayaraq, onlar fakt qarşısında qoyuldu. Dedilər ki, guya  bina tikildikdən sonra elə beşmərtəbəli binadan ev veriləcək və bu müddət ərzində kirayədə yaşayacaqları evlərin icarə haqqı MMC tərəfindən ödəniləcək. Binadan çıxmaq istəməyənlər isə məhkəmə qərarı ilə evdən çıxarıldı. Hazırda hər iki ünvanda binaların sökülməsi prosesi gedir.

Bunu deməkdə məqsədimiz Bakıda müasir tipli binaların və ya ticarət mərkəzlərinin tikintisinə qarşı çıxmaq deyil. Məqsəd ilk olaraq belə binalar tikilərkən vətəndaşların hüquqlarının pozulması və bu binaların ətrafındakı illər boyu böyük zəhmət hesabına salınan yaşıllıq zolağının, ağacların bir gündə məhv edilməsinə – “yaşıl soyqırım”la bağlı müvafiq qurumları məlumatlandırmaqdır.

Nəzərinizə çatdıraq ki, “SKY Residence” MMC adıçəkilən ünvanda binaları sökməklə yanaşı, oradakı uzun illər boyu böyük əzab-əziyyətlə becərilən yaşıllığı bir gecə də məhv edib. Belə ki, “SKY Residence” MMC oktyabrın 8-də Şərifzadə 162 ünvanında “yaşıl soyqırım” həyata keçirib. Həmin binanın qarşısındakı yaşıllığı uzun zamandır ki, hasara almışdılar və sakinlərə bəlli idi ki, sözügedən ərazidə yerləşən ağaclar məhv ediləcək. Elə bu səbəbdən də ətraf binalarda yaşayan insanlar ağacların qırılmasına imkan vermirdilər. Buna baxmayaraq, şirkətin əməkdaşları həmin ərazidəki ağacları kəsmək üçün bir neçə dəfə cəhd ediblər. Dünən gecə saatlarında isə “SKY Residence” MMC-nin əməkdaşları texnikanı yeridib ağacları məhv ediblər. Sakinlərin sözlərinə görə, həmin ağacların 40 ildən artıq yaşı vardı: “Bir gün içərisində şirkət bu ünvanda olan onlarla ağacı məhv edib”.

Məsələ ilə bağlı Gununsesi.info-nun araşdırmaları nəticəsində o da bəlli olub ki, adıçəkilən şirkət – “SKY Residence” MMC iş adamı, deputat Əsabil Qasımova məxsusdur. Buradan da belə qənaətə gəlmək olar ki, qanunverici hakimiyyətin təmsilçisi olan Əsabil Qasımov Bakıda əzab-əziyyətlə becərilən yaşıllıq zonasının məhvinə səbəb olur…

22429092_10155777588869320_1161777596_o

22426051_482885325444315_271123875_o

22425923_1335404693252124_879412813_o

22425765_1335404723252121_661772009_o

22403889_1335404666585460_35450872_o

22396632_482885348777646_810368151_o

22368702_10155777588389320_1067763151_o

22368691_1335404636585463_2117457108_o

Gununsesi.info




loading...
Loading...