Fevralın 28-də Əfv Məsələləri üzrə Komissiyanın növbəti toplantısı keçiriləcək.
Bunu Gununsesi.info-ya açıqlamasında Əfv Komissiyasının üzvü Əliməmməd Nuriyev bildirib.
Bunu Gununsesi.info-ya açıqlamasında Əfv Komissiyasının üzvü Əliməmməd Nuriyev bildirib.
Onun sözlərinə görə, Komissiyanın katibliyinə ümumilikdə 800-dən müraciət daxil olub. “Ötən iclaslarda 300-dən artıq müraciətə baxılıb və sabah da müraciətlərin bir qisminə baxılacaq”.
Novruz bayaramı ərəfəsində verləcəyi gözlənilən Əfv sərəncamına neçə məhbusa və kimlərin bu siyahıya düşəcəy, xüsusən də adları siyasi məhbus siyahısında olan İlqar Məmmədovun və ya sabiq səhiyyə naziri Əli İnsanovun əfv olunacağı ilə bağlı məsələyə gəldikdə Ə.Nuriyev deyib ki, bu, Prezidentin səlahiyyətində olan məsələdir: “ Biz sadəcə komissiyaya daxil olan müraciətlərə baxır və kimlərə əfv oluna bilər, onları araşdırırıq. Qaldı ki, kimlərin və neçə nəfərin əfv olunmasına gəldikdə isə bu, ancaq prezidentin səlahiyyətinə aid olan məsələdir. Biz ancaq Əfv sərəncamı imzalanacağı zaman siyahıda neçə nəfərin və kimlərin olacağını biləcəyik”.
Qeyd edək ki, bu ilin Novruz bayramı ərəfəsində növbəti əfv sərəncamının imzalanacağı gözlənilir.
Mürtəza
Gununsesi.info