Video



Maraqlı

Müsahibə

Gündəm

Reportaj

Müxtəlif

Yanvar 2018
BE ÇA Ç CA C Ş B
« Dek    
1234567
891011121314
15161718192021
22232425262728
293031  

XƏBƏR LENTİ

16 Yanvar 2018

13 Dekabr 2017 - 21:32

600-ə yaxın məktəblidə onurğa problemi aşkarlanıb

Yevlax rayonunda 33 orta məktəbin 9228 şagirdində aparılan yoxlamalar nəticəsində onların 574 nəfərində skolioz, yəni onurğa əyriliyinin ilkin əlamətləri aşkarlanıb. Bu isə yoxlanılan hər 16 şagirddən birinin bu xəstəliyin daşıyıcısı olduğunu göstərir.

Gununsesi.info xəbər verir ki, bu rəqəmlər İcbari Tibbi Sığorta üzrə Dövlət Agentliyinin skolioza qarşı apardığı profilaktik tədbirlər zamanı qeydə alınıb.

İlk baxışdan adi görünsə də, əslində onurğa əyriliyinə erkən yaşda müdaxilə edilməzsə, gələcəkdə həmin şagirdlərin hətta əlil olmasına qədər gedib çıxa bilər.

Vertebroloq İradə Hacıyeva bildirir ki, uşaqların müəyyən dövrlərdə onurğa sütunlarının inkişafına xüsusi diqqət edilməli və onlar onurğa problemi yaşamamaq üçün mütləq müayinə olunmalıdırlar. Bu yoxlamalar uşaqların altı aylığında, 6 yaşında və 12 yaşında aparılmalıdır.

Onurğa əyriliyinin daha erkən yaşlarda müşahidə edilməsinin ən başlıca səbəblərdən biri də uşaqların texnologiya aludəçisinə çevirməsidir. Uşaqların erkən yaşda mobil telefonda uzun müddət nəyisə izləməsi əslində onların gələcək sağlamlıqlarını təhdid altında qoymaq deməkdir.

Uşaqların onurğasında əyriliklərinin yaranmasının əsas səbəblərindən biri də valideynlərin onların çantalarının ağırlığına diqqət etməmələridir. Belə ki, uşaqların çantası onların çəkisinin 10-dan birindən çox olmamalıdır. Məsələn, 40 kiloqram çəkisi olan bir uşağın çantasının 4 kiloqramdan çox olmamalıdır. Əgər kitablar bu çəkidən artıq olsa, onlar uşağın sağ və sol əlində eyni çəkidə bölüşdürülərək daşınmalıdır. Bundan başqa, yastı daban olan uşaqlar da həkim nəzarətində olmasa qaməti əyilə və gələcəkdə onurğa əyriliyinə səbəb ola bilər. Buna görə valideynlərin uşaqları yeniyetməlik dövrünə çatana qədər nəzarətdə saxlaması tövsiyə olunur.

Gununsesi.info