VİDEO


Maraqlı

Müsahibə

Gündəm

Reportaj

Müxtəlif



Sentyabr 2017
BE ÇA Ç CA C Ş B
« Avq    
 123
45678910
11121314151617
18192021222324
252627282930  

XƏBƏR LENTİ

20 Sentyabr 2017

15 Sentyabr 2017 - 20:32

AŞPA-nın həmməruzəçiləri Ədliyyə Nazirliyində

edliyye-nazirliyi1
Azərbaycanda səfərdə olan Avropa Şurası Parlament Assambleyası (AŞPA) Monitorinq Komitəsinin həmməruzəçiləri Sezar Florin Preda və Stefan Şennak ədliyyə nazirinin müavini Azər Cəfərov ilə görüşüblər.

Ədliyyə Nazirliyinin mətbuat xidmətindən Gununsesi.info-ya bildiriblər ki, görüşdə Azərbaycan ilə Avropa Şurası arasında səmərəli əməkdaşlıqdan məmnunluq ifadə olunub, dövlətimizin başçısının cari il fevralın 10-da imzaladığı cəza siyasətinin humanistləşdirilməsinə dair Sərəncamın icrası üzrə görülən işlər barədə faydalı müzakirələr aparılıb.

Həmməruzəçilər cinayət qanunvericiliyinin liberallaşdırılması, bir sıra cinayətlərin dekriminallaşdırılması məqsədilə yeni qanunların qəbul olunması və bu sahədə qanunvericiliyin təkmilləşdirilməsi işinin davam etdirilməsi, azadlıqdan məhrumetmə ilə əlaqədar olmayan qətimkan tədbirlərinin və alternativ cəzaların tətbiqinin genişləndirilməsi, Probasiya xidmətinin fəaliyyətinin təşkili üzrə tədbirlər barədə məlumatlandırılıb. Qonaqlar penitensiar müəssisələrə baş çəkmək üçün yaradılan imkana görə minnətdarlıqlarını bildiriblər.

Söhbət zamanı, həmçinin məhkəmə hakimiyyətinin müstəqilliyinin möhkəmləndirilməsindən, Məhkəmə-Hüquq Şurasının özünüidarə səlahiyyətlərinin genişləndirilməsindən, məhkəmə fəaliyyətində antikorrupsiya tədbirlərindən bəhs olunub, qonaqları maraqlandıran suallara aydınlıq gətirilib.

Gununsesi.info




loading...
Loading...