Brüsseldə Avropa Komissiyasının ofisi qarşısında Xocalı soyqırımı ilə bğlı mitinq keçirilib.
Bu barədə Gununsesi. info –ya millət vəkili Əflatun Amaşov məlumat verib.
Onun sözlərinə görə, fevralın 24-də Brüsseldə Avropa Komissiyasının binası qarşısında Xocalı soyqırımının 25-ci ildönümü ilə bağlı mitinq təşkil olunub.
Mitinqdə Belçikada fəaliyyət göstərən Azərbaycan diasporu ilə yanaşı, Türk, qazax və digər türkdilli və müsəlman ölkələrin diaspor nümayəndələri iştirak edib.
Mitinqdə ermənilərin 20-ci əsrin sonlarında insanlığa qarşı törətdiyi dəhşətli cinayət hadisəs sayılan Xocalı soyqrırmı ilə bağlı məlumat verilib.
Aksiyada çıxış edənlər beynəlxaql aləmi və təşkilatları ermənilərin insanlığa qarşı törətdiyi bu vəhşiliklərə indiyədək hüquqi və siyasi qiymət verməməkdə qınayıb.
Onların bu məsələdə sərgilədiyi laqeyd münasibəti qətiyyətlə pisləyib, Xocalı soyqırımına hüquqi və siyasi qiymət verilməsi ilə yanaşı, soyqrımı hadisəsində iştirak edən cinayətkarların cəzalandırılmasını tələb ediblər.
Mürtəza
Gununsesi.info
