Video



Maraqlı

Müsahibə

Gündəm

Reportaj

Müxtəlif

Noyabr 2017
BE ÇA Ç CA C Ş B
« Okt    
 12345
6789101112
13141516171819
20212223242526
27282930  

XƏBƏR LENTİ

18 Noyabr 2017

15 Sentyabr 2017 - 09:36

Azərbaycan və Yaponiyanın diplomatik pasportlara malik vətəndaşları viza tələblərindən azad olunublar

viza

Azərbaycanın xarici işlər nazirinin müavini Xələf Xələfov Yaponiyanın xarici işlər nazirinin parlament məsələləri üzrə müavini Manabu Horii ilə görüşüb.

Azərbaycan XİN-dən Gununsesi.info-ya verilən məlumata görə, görüşün əvvəlində tərəflər Azərbaycan hökuməti və Yaponiya hökuməti arasında diplomatik pasportlara malik olan vətəndaşların viza tələblərindən azad olunması haqqında notalar mübadiləsi həyata keçiriblər. Həmçinin, adi pasport sahibləri üçün viza rəsmiləşdirilməsi prosedurasının sadələşdirilməsi niyyəti ifadə edilib.

X.Xələfov iki ölkə arasında diplomatik münasibətlərin qurulmasının 25 illiyinin qeyd edildiyini məmnunluqla xatırlatdıb və ikitərəfli əlaqələrin bütün sahələrdə uğurla inkişaf etdiyini vurğulayıb. O, Yaponiyanı Azərbaycanın etibarlı tərəfdaşı adlandırıb və Yaponiya hökumətinin bu illər ərzində ölkəmizə göstərdiyi dəstəyi yüksək qiymətləndirib.

Nazir müavini “Əsrin müqaviləsi”nin 2050-ci ilə qədər uzadılması ilə əlaqədar yeni Sazişin imzalanmasının mühüm tarixi əhəmiyyət kəsb etdiyini bildirib və bu xüsusda, layihədə iştirak edən yapon şirkətlərinin fəaliyyətini təqdir edib. Bununla yanaşı, Azərbaycandakı iqtisadi islahatlar çərçivəsində qeyri-neft sektorunda yeni layihələrdə Yaponiya şirkətlərinin iştirakının vacibliyi qeyd olunub.

Manabu Horii ölkədə yapon şirkətlərinə yaradılmış əlverişli şəraitə görə Azərbaycan tərəfinə təşəkkür edib və ikitərəfli əməkdaşlığın inkişaf etdirilməsində maraqlı olduqlarını bildirib. O, enerji təhlükəsizliyinin təmin edilməsində Azərbaycanın aparıcı rolunu yüksək qiymətləndirib. Həmçinin, Manabu Horii QUAM+Yaponiya formatında mövcud əməkdaşlığın vacibliyini qeyd edib.

Nazir müavini X.Xələfov Ermənistan-Azərbaycan Dağlıq Qarabağ münaqişəsi və onun həlli istiqamətində aparılan son danışıqlar prosesi barədə yaponiyalı həmsöhbətinə ətraflı məlumat verib və Yaponiyanın Azərbaycanın suverenliyi və ərazi bütövlüyünə dəstəyini yüksək qiymətləndirib. O, Azərbaycanın işğal faktı ilə barışmayacağını və ərazi bütövlüyünü bərpa edəcəyini xüsusi vurğulayıb.

Manabu Horii münaqişənin beynəlxalq hüquq prinsipləri əsasında tezliklə sülh yolu ilə həllinə ümidini ifadə edib.

Həmçinin, tərəflər iki ölkə arasında beynəlxalq təşkilatlar çərçivəsində qarşılıqlı dəstəyə əsaslanan əməkdaşlığın davam etdirilməsinin əhəmiyyətini qeyd ediblər.

Nazir müavinləri qarşılıqlı maraq kəsb edən regional məsələlər barədə fikir mübadiləsi aparıblar.

Gununsesi.info





loading...