Dünyanın ən zəngin adamları sırasında yer alan, azərbaycanlı milyarder Fərhad Əhmədovun 115 metrlik şəxsi “Luna” yaxtası ilə Bodrum sahillərində istirahəti ciddi resonansa səbəb olub. Belə ki, yerli əhali və turistlər Fərhad Əhmədova məxsus möhtəşəm yaxtanı görmək üçün onun istirahət etdiyi əraziyə axın edib.
Gununsesi.info “Haberturk”ə istinadən xəbər verir ki, Fərhad Əhmədov arvadı, üç övladı və yaxın dostları ilə birgə Bodrumdakı Küdür yarımadası sahillərində istirahət edir.
Azərbaycanlı milyarder Yunanıstanın Korfu, Mikonos, Tilos və Leros adalarını gəzdikdən sonra Bodruma gəlib. O burada yaxın ətrafı ilə birlikdə istirahətin dadını çıxarmaqdadır. Onun burada 10 gün qalacağı bildirilir. F.Əhmədovun Bodrumda istirahəti ilə bağlı olaraq təhlükəsizlik tədbirləri gücləndirilib. Onun üçün 6 mühafizə qayığı ayrılıb.
Əhmədovla birgə Bodruma gələnlər də burada istirahətin dadını çıxarmaqla məşğuldurlar. Onlar burada müxtəlif su idmanı ilə məşğul olurlar. Əhmədov istirahət müddətində yerli balıqçılardan 150 kiloqram kalmar, asminoq və başqa növ balıqlar alıblar.
Bodrumda istirahət edən Əhmədovun yeni motorlu yaxtasını rusiyalı milyarder Roman Abramoviçdən aldığı bəlli olub. Yaxtanın helikopter meydançası, minidənizaltı qayığı, 6 sürətli qayığı var. Bundan əlavə, yaxta zirehli, gülləkeçirməz şüşələrə, bütün növ raket zərbələrinə dayanıqlı gövdəyə malikdir. “Luna” yaxtasının saatda sürəti 30 mildir. Surep lüks yaxtada 50 personal çalışır. Onlardan 30-u xidmətçi, 20-si isə mühafizəçidir. Yaxtanın bir qapalı və bir açıq hovuzu var.
Gununsesi.info
