Video



Maraqlı

Müsahibə

Gündəm

Reportaj

Müxtəlif

Yanvar 2018
BE ÇA Ç CA C Ş B
« Dek    
1234567
891011121314
15161718192021
22232425262728
293031  

XƏBƏR LENTİ

18 Yanvar 2018

13 Dekabr 2017 - 14:58

Borca görə uşaq bağçalarının işığını kəsdilər

“Elektrik borcuna görə uşaq bağçasının işığını kəsiblər. Uşaq neçə gündür xəstədir. Nə qədər iynə-dərman almışıq. Bu, nə özbaşınalıqdır, harada görünüb ki, uşaq bağçasının, körpələr evinin işığını kəsələr?”

Gununsesi.info xəbər verir ki, bunu bizimyol.info saytına müraciətində Ağdaş rayon sakini Fəqan Məmmədov deyib.

O qeyd edir ki, Ağdaş Elektrik Şəbəkəsinin müdiri Mirkazım Qubadovun rayonda borcu olan idarə-müəssisələrinin hamısının işığını kəsilməsi ilə bağlı göstərişi uşaq bağçalarına da aid edilib. F.Məmmədov deyir ki, onun övladı Ağdaş şəhər 1 saylı uşaq bağçasına gedir. “Yeni tikilmiş, bütün standartlara uyğun bağçadır. Dedilər ki, bağça tikilərkən inşaat işləri zamanından bağçanın işıqpulu borcu qalıb. İstilik kombi sistemidir. Ancaq elektrik kəsildiyi üçün kombi də qızdırmır. İki həftədə bir neçə dəfə işığı kəsiblər. Uşaqlar da soyuq bağçada xəstələnirlər. Axı iki dövlət qurumunun bir-birinə borcu varsa, burada körpələrin günahı nədir?”

Digər valideyn Əhmədiyyə Çələbiyev də bildirir ki, iki uşağı həmin bağçadadır: “2 uşağıma soyuq olur. İşıq olmadığı üçün nə istilik sistemi işləyir, nə su var. Bir sözlə, acınacaqlı vəziyyətdir”.

Ötən həftənin sonu Ağdaş çəhərində daha bir neçə bağçanın işığı kəsilib. 5, 6, 9 və 11 saylı bağçaların işığı isə dünən bərpa edilib.

“Azərişıq” ASC-nin mətbuat xidmətinin rəhbəri Tanrıverdi Mustafayev isə məsələ ilə bağlı Bizimyol.info-ya açıqlama verib.

O qeyd edib ki, uşaq bağçaları kimi müəssisələr hər zaman belə məsələlərdə nəzərə alınsa da, abonentlər arasında fərq qoymaq olmur: “Uşaq bağçaları, məktəblər, sosial vəziyyəti yaxşı olmayan əhali mütəmadi olaraq nəzərə alınır. Əlbəttə ki, körpə uşaqların nə günahı var? Amma istənilən abonentə dəfələrlə xəbərdarlıq etdikdən sonra isə elektriki kəsməli oluruq. Çünki abonent bütün hallarda işlətdiyi eletrikin pulunu ödəməlidir. əgər pul ödənilməsə, biz elektrik təminatını necə həyata keçirə bilərik? Ona görə borc ödənilməlidir”, – deyə Tanrıverdi Mustafayev bildirib.

Gununsesi.info