Gununsesi.info xəbər verir ki, Rusiyanın “Qazprom” konserni “Türk axını” qaz borusunun iki xətti üzrə ümumilikdə 520 km-lik hissəsini inşa edib.
“Mayın 7-dən bu vaxtadək, ümumilikdə, qaz borusunun iki xətti üzrə 520 km-dən çox hissəsini inşa edib. Hazırda işlər artıq Türkiyənin iqtisadi zonasında həyata keçirilir. “Türk axını” qaz tədarükü marşrutlarının şaxələndirilməsinə imkan yaradacaq və Avropanın enerji təhlükəsizliyinin möhkəmləndirilməsinə yardım edəcək”, – deyə məlumatda bildirilir.
Qeyd edək ki, “Qazprom” mayın 7-dən “Türk axını” qaz borusunun Qara dəniz hissəsinin inşasına başlayıb. Borunun dənizdən keçən hissəsinin uzunluğu 910 km, Türkiyə ərazisindən keçəcək hissəsinin uzunluğu isə 180 km təşkil edir.
Xatırladaq ki, tərəflər “Türk axını” layihəsinin reallaşdırılmasına dair hökumətlərarası sazişi 2016-cı il, oktyabrın 10-da imzalayıb. Sənəd Qara dənizin dibi ilə hər biri 15,75 mlrd. kubmetr ötürmə gücünə malik iki magistral qaz xəttinin tikintisini nəzərdə tutur. Bu xətlərdən biri Türkiyə bazarı, digəri isə ölkə üzərindən keçməklə Avropa ölkələri üçün nəzərdə tutulub. İkinci xəttin inşası Avropanın Rusiya qazında maraqlı olmasından asılı olacaq.
Gununsesi.info
