Video



Maraqlı

Müsahibə

Gündəm

Reportaj

Müxtəlif

Fevral 2018
BE ÇA Ç CA C Ş B
« Yan    
 1234
567891011
12131415161718
19202122232425
262728  

XƏBƏR LENTİ

24 Fevral 2018
23 Fevral 2018

17 Yanvar 2018 - 15:38

Bütün hallarda gələcək virtual valyutaların olacaq- VÜQAR BAYRAMOV

2018-ci ilin geridə qalan günləri kriptovalyutalar üçün heç də uğurlu olmadı.

Gununsesi.info-nun məlumatına görə, bu haqda iqtisadçı alim Vüqar Bayramov yazıb. Ekspert bitkoinin son bir ayda 41 faiz, bu ilin son 10 günündə isə 34 faiz dəyər itirdiyini bildirib:

“Cənubi Koreyanın bitkoinləri ilə əməliyyatları qadağan etmək istəyi virtual valyutanın mövqeyini ciddi şəkildə silkələdi. Bitkoinlə yanaşı, digər əksər kriptovalyutaların da dəyərində azalmalar müşahidə edilir. Bu arada, əksər beynəlxalq maliyyə qurumları ilə yanaşı, bir sıra Avropa Birliyi ölkələrindən də kriptovalyutalarla bağlı ehtiyatlı açıqlamalar gəldi. Bitkoindəki köpüklər partlayırmı?”

Ekspert bildirib ki, əslində, öncədən əksər beynəlxalq qurumlar bitkoinin qiymətinin 8 min dolları keçəcəyi halda köpüklərin yaranacağını proqnozlaşdırmışdı: “Aydındır ki, əksər mərkəzi bankların xoşlamadığı virtual valyutaların qlobal bazarda özlərinə yer tapması asan deyil və bu, zaman tələb edəcək. Blokçeyn üzrə əməliyyatlar ənənəvi bankçılığa tələbi azaldır. Sadəcə, bu kontekstdən də hələlik nə əksər mərkəzi banklar, nə də kommersiya bankları virtual valyutaları xoş qarşılayırlar”.

İqtisadçı vurğulayıb ki, kriptovalyutaların gələcək taleyi birbaşa aparıcı dövlətlərin onlara münasibətindən asılı olacaq: “Aparıcı ölkələr bitkoinlərin istifadə dairəsini məhdudlaşdırmaqda davam edərlərsə, o zaman yeni qiymət azalmaları qaçılmazdır. Amma əgər ABŞ bitkoinləri dəstəkləyərsə, o zaman kriptovalyutalar “ayaqda dura” bilərlər. Bütün hallarda isə gələcək virtual valyutaların olacaq”.

Gununsesi.info