Havalar soyuduqda dodaq uçuqlaması hamını zinhara gətirir. Vaxtında qarşısı alınmayan uçuqlar ağız ətrafını sanki xoşagəıməz suluqlarla mühasirəyə alır.
Gununsesi.info uçuqlardan qurtulmanın ən asan yollarını təqdim edir.
Qarğıdalı nişastası
1 qaşıq qarğıdalı nişastası ilə 1 qaşıq suyu qarışdırıb krem halına gətirin. Yatmazdan əvvəl uçuğa sürtün. Oyandığınız zaman ehmalca yuyun.
Buz
Uçuq ağrı ilə yanaşı dodaqda göynəməyə də səbəb ola bilər. Buz tutmaq uçuğun üzərindəki dərinin həm nəmlənməsini, həm də göynəmənin keçməsini təmin edir.
Süd
Süd də uçuqlara olduqca yaxşı təsir göstərir. Pambığı soyuq südlə isladın və uçuğun üzərində 2-3 dəqiqə saxlayın.
Aloe
1 çay qaşığı alo şirəsini birbaşa uçuğun üzərinə çəkin.
Ekinezya
Ekinezya immunitet sistemini gücləndirir. Həmçinin uçuq çıxmasının qarşısını alaraq, bədəninizi dəstəkləyəcək.
Diş fırçanızı dəyişin
Diş fırçası uçuq viruslarının daşınması üçün ideal mühit meydana gətirir. Uçuq çıxdıqdan sonra təmiz bir diş fırçasına keçin. Uçuq keçdikdən sonra təkrar fırçanızı dəyişdirin.
Nanə yağı
Uçuğu su ilə təmizləyin. Ardından pambığı əvvəl suya, sonra da nanə yağına batırıb uçuğa sürtün. Gündə 2 dəfə kifayət edəcək.
Vanil
Vanil özü uçuğa səbəb olan virusun çoxalmasına mane olur. Pambıqlı çubuğun ucuna sürtdüyünüz vanili birbaşa uçuğun üzərinə qoyun və 1-2 dəqiqə gözləyin. Gündə 4 dəfə təkrarlaya bilərsiniz.
Bütün bunları qeyd edildiyi kimi etsəniz, uçuqlardan tamamile və tezliklə canınızı qurtaracaqsınız.
Gülnaz Qənbərli
Gununsesi.info