Güzəştli mənzillərin əldə edilməsi üçün tələb olunan SƏNƏDLƏR

  • By admin
  • 29 Aprel 2017 11:16

menziller

Sosial evlərə sahib olaq istəyənlər üçün tələb olunan şərtlər və sənədlər açıqlanıb.

Gununsesi.info-nun xəbərinə görə,  sözügedən sənədlər güzəştlə mənzil əldə etmək hüququ olan şəxslərin kateqoriyaları üzrə qruplaşdırılıb.

Belə ki, həmin kateqoriyalarla və hər bir kateqoriya üçün tələb olunan sənədlərin siyahıları iləwww.mida.az saytına daxil olmaq, ana səhifədə müvafiq olaraq “güzəştli mənzili kim ala bilər?” və “tələb olunan sənədlər” keçidləri vasitəsilə tanış olmaq mümkündür. 

Güzəştli mənzilləri güzəştlə əldə etmək hüququ olan vətəndaşların aidiyyəti sənədlərinin qəbuluna “Güzəştli mənzil” elektron sisteminin əsasnaməsi təsdiq olunduqdan sonra başlanılacaq. Sənədlərin qəbulunun başlanmasının tarixi barədə əlavə məlumat veriləcək. 

Mənzil İnşaatı Dövlət Agentliyi mənzillərin güzəştlə əldə edilməsini təmin etmək məqsədilə “Elektron hökumət” portalında yaradılacaq “Güzəştli mənzil” elektron sisteminin istifadəyə verilməsi ilə bağlı hazırlıq işlərini də tamamlamaq üzrədir.

Gülnaz Qənbərli

Gununsesi.info