XƏBƏR LENTİ

20 Fevral 2018

18 Yanvar 2018 - 18:12

İşsizlik müavinəti 300 manata qədər artıb

2018-ci il yanvar ayının 1-i vəziyyətinə məşğulluq xidməti orqanları tərəfindən ölkə üzrə rəsmi işsiz statusu verilmiş şəxslərin sayı 38,5 min nəfər olub. 

Gununsesi.info xəbər verir ki, işsizlərin 36,3 faizini qadınlar təşkil edib.

38,5 min nəfər işsizdən 6 974 nəfəri işsizlik müavinəti alır. İşsizlik müavinətinin orta məbləği 291,2 manat olub. İşsizlərin 18 926 nəfəri Bakı şəhərinin payına düşüb.

Qeyd  edək ki, ötən ilin noyabr ayı ilə müqayisədə dekabr ayında işsizlərin sayı artıb. 2017-ci il dekabr ayının 1-i vəziyyətinə məşğulluq xidməti orqanları tərəfindən ölkə üzrə rəsmi işsiz statusu verilmiş şəxslərin sayı 36,9 min nəfər olub. İşsizlik müavinətinin orta məbləği 288,5 manat təşkil edib.

Gununsesi.info