Video



Maraqlı

Müsahibə

Gündəm

Reportaj

Müxtəlif

Dekabr 2017
BE ÇA Ç CA C Ş B
« Noy    
 123
45678910
11121314151617
18192021222324
25262728293031

XƏBƏR LENTİ

16 Dekabr 2017

21 Noyabr 2017 - 20:44

Oğuzda təbiətə zərər vurulması hallarına qarşı növbəti əməliyyat keçirilib


Oguzda qanunsuz olaraq ağac kəsib kustar üsulla kömür istehsalı ilə məşğul olan 15 nəfər rayon sakininə qarşı inzibati qaydada protokol tərtib olunub. Daxili İşlər Nazirliyinin (DİN) Mətbuat Xidmətinin Şəki regional qrupundan APA-nın Şəki-Zaqatala bürosuna verilən məlumata görə, Oğuzda qanunsuz ağackəsmə, eləcə də kustar üsulla kömür hazırlayıb, ekologiyaya, təbiətə zərər vurulması hallarına qarşı növbəti əməliyyat tədbiri keçirilib.

Noyabrın 20-də keçirilən tədbirlər nəticəsində isə qanunsuz olaraq kustar üsulla kömür istehsalı ilə məşğul olan 15 rayon sakininə qarşı inzibati qaydada protokollar tərtib olunub, quyuların üstü örtülərək istifadəsinə qadağa qoyulub.

Ətraf mühitin mühafizəsi, təbiətdən istifadə və ekoloji təhlükəsizlik qaydaları əleyhinə olan inzibati xətalarla bağlı cari ilin on ayı ərzində Oğuz RPŞ-nin əməkdaşları tərəfindən bir sıra tədbirlər görülüb, bu istiqamətdə İnzibati Xətalar Məcəlləsinin müvafiq maddələri ilə 66 protokol tərtib olunub.

Onlardan 12-si meşə fondundan istifadə, oduncağın tədarük edilib daşınması qaydasının pozulmasına, müvafiq icazə olmadan ağacların və kolların kəsilməsi, məhv edilməsi və zədələnməsinə, 5-i meşə fonduna aid olmayan ağac və kolların kəsilməsinə və ya məhv edilməsinə, 49-u isə meşə fondu torpaqlarının münbit qatının korlanması barədə olub.

Eləcə də Oğuz rayon Polis Şöbəsi tərəfindən CM-nin qanunsuz ağac kəsmə maddəsi ilə 2 cinayət faktı qeydə alınaraq araşdırma aparılıb və baxılması üçün məhkəməyə göndərilib.

Göstərilən istiqamətdə tədbirlər davam etdirilir və gələcəkdə qanunvericiliyin ətraf mühitin mühafizəsi, təbiətdən istifadə, ekoloji təhlükəsizlik qaydaları əleyhinə olan tələblərin pozulması hallarının aşkarlanacağı təqdirdə qayda pozucularına qarşı müvafiq tədbirlər görüləcək.

Gununsesi.info