Oqtay Bayramov Kəmaləddin Heydərovun qəzəbinə tuş gəldi - O, YOL VERDİYİ NÖQSANLARA GÖRƏ İŞDƏN ÇIXARILDI

  • By admin
  • 23 Oktyabr 2017 12:14

trend_kemaleddin_heydarov_02

Xəbər verdiyimiz kimi, Fövqəladə Hallar Nazirliyinin (FHN) mətbuat katibi Oqtay Bayramov işdən ayrılması ilə bağlı mediaya açıqlama verib. O, FHN-dən getməsini ailə məsələləri ilə əlaqələndirib.

Gununsesi.info xəbər verir ki, “qafqazinfo”nun əldə etdiyi məlumata görə, Bayramov qurumdan öz istəyi ilə ayrılmayıb. O, nazir Kəmaləddin Heydərovun göstərişi ilə işdən çıxmaq barədə ərizə yazıb. Səbəb isə yol verdiyi nöqsanlar olub.

Daha bir məqam isə Oqtay Bayramovla yanaşı FHN-in ictimaiyyətlə əlaqə idarəsinin rəisi Səbuhi Ağayevin də vəzifəsindən azad olunmasıdır. O, eyni zamanda Kəmaləddin Heydərovun köməkçisi idi.

Qeyd edək ki, oktyabrın əvvəlində FHN-də 6 saat davam edən iclas keçirilib və sözügedən iclasdan sonra bəzi şəxslərin işdən uzaqlaşdırılması barədə qərar qəbul olunub.

Gununsesi.info