Qusardakı Şahdağ qış turizm mərkəzi ilə Qəbələdəki Tufandağ qış turizm mərkəzlərinin dəmiryol tuneli vasitəsi ilə birləşdirilməsi nəzərdə tutulur.
Bunu Gununsesi.info-ya açıqlamasında “Azərbaycan Dəmir Yolları” QSC-nin sədri, millət vəkili Cavid Qurbanov deyib.
Onun sözlərinə görə, artıq bununla bağlı Azərbaycan prezidenti İlham Əliyev bizə xüsusi tapşırıq verib. “Ölkə başçısı Qusardakı Şahdağla Qəbələdəki Tufandağ qış turizm mərkəzlərinin tunel vasitəsi ilə birləşdirilməsi və bu istiqamətdə layihələndirmə işlərinə başlanması barədə mənə tapşıqırlar verib. Artıq bu istiqamətdə layihələndirmə işlərinə başlanılıb”.
“Azərbaycan Dəmir Yolları” QSC-nin sədri əlavə edib ki, bununla da biz gələcəkdə Qəbələyə və Qusardan keçməklə Şahdağ turizm mərkəzinə çəkiləcək dəmir yolunun dairəvi yol olacaq: “Yəni bu yol vasitəsi ilə insanlar rahat, vaxt itkisinə yol vermədən qısa yolla hər iki tərəfə gedə biləcəklər”.
Mürtəza
Gununsesi.info
