İki nəfərin qətlində şübhəli bilinən və haqqında qiyabi həbs qərarı çıxarılaraq beynəlxalq axtarışa verilən azərbaycanlı iş adamı Telman İsmayılovun Fransaya sığındığı bildirilir.
Gununsesi.info xəbər verir ki, bu barədə “Rosbalt” hüquq-mühafizə orqanlarındakı mənbəsinə istinadən məlumat yayıb.
Məlumata görə, Telman və qardaşı Vaqif İsmayılov Türkiyəni tərk edərək bu ölkəyə köçüb. Onlar qonşu ölkəni tərk edənə qədər Mardan Palace yaxınlığındakı iqamətgahlarında yaşayıblar.
Mənbənin sözlərinə görə, İsmayılov qardaşları Türkiyənin onları Rusiyaya təhvil verəcəyindən ehtiyat ediblər.
Gununsesi.info
