Aprelin 16-da Türkiyədə keçiriləcək referendumla bağlı Azərbaycanda yaşayan 6 mindən artıq Türkiyə vətəndaşının öz hüquqlarından yararlanması məqsədi ilə onların üç bölgədə səsverməsi üçün şərait yaradılacaq və bu bölgələrdə seçki məntəqəsi təşkil ediləcək.
Bu barədə Gununsesi.info-ya Türkiyənin Azərbaycandakı səfirliyindən bildirilib.
Səfirlikdən bildirilib ki, bu məqsədlə Türkiyənin Bakıdakı səfirliyində, həmçinin, Gəncə və Naxçıvandakı baş kosulluqlarda da səsvermə məntəqələri təşkil olunacaq:
“Artıq bu istiqamətdə hazırlıq işləri gedir. Səsvermə isə aprelin 9-da səhər saat 9.00-da başlayacaq və axşam saat 21.00-dək davam edəcək”.
Səfirlikdən o da bildirilib ki, səsvermədə Azərbaycanda yaşayan 6 mindən artıq Türkiyə vətəndaşının iştirakı gözlənilir.
Mürtəza
Gununsesi.info
