Xaləddin İsgəndərovun “vurulması” xəbəri yayıldı - İCRA BAŞÇISI SEÇKİDƏN SONRA YOLA SALINIR

  • By admin
  • 19 Mart 2018 15:20

Binəqədi Rayonu İcra Hakimiyyətinin rəhbəri Xaləddin İsgəndərovun işindən azad edilməsi xəbəri yayılıb.

Gununsesi.info bildirir ki, bu barədə Minval.info xəbər yayıb. Xəbərdə deyilir ki, prezident seçkilərindən sonra bu barədə ictimaiyyətə açıqlama veriləcək

Xaləddin İsgəndərov haqqında yerli mediada dəfələrlə yazılar dərc edilib. Onun nəzarəti altında olan Binəqədi rayonunda yaşıllıqların məhv edilməsi, yerində də binaların tikilməsi adi hal almışdı.

Həmçinin eks başçının dövründə xeyli müddət Binəqədinin yollarındakı problemlər kəskin narazılığa səbəb oldu. Bərbad yolların təmiri belə sakinlərin yaşam tərzinə ciddi təsir etdi. Buna görə də, dəfələrlə Binəqədi sakinləri etiraz edib, ölkə rəhbərliyinə müraciət ünvanlayıblar.

Qeyd edək ki, Xaləddin İsgəndərov vəzifədə olduğu müddətdə rayonda yerləşən hündürmərtəbəli binada 10-dan çox insanın ölümü ilə nəticələnən güclü yanğın baş verib.

Xatırladaq ki, vergilər naziri Fazil Məmmədov vəzifəsindən azad edildikdən sonra ona yaxın adamlar və bir neçə qohumu işdən uzaqlaşdırıldı. Həmçinin deyilirdi ki, Xaləddin İsgəndərov da başçı vəzifəsindən kənarlaşdırılacaq.

Gununsesi.info