Əmək və əhalinin sosial müdafiəsi nazirinin müavini DEPUTATLARI TƏNQİD ETDİ

  • By admin
  • 07 Fevral 2018 11:46

“Əlil olan şəxslərin hüquqları haqqında” qanun layihəsi hazırlandıqdan sonra baxılması üçün Nazirlər Kabinetinə göndərildi. Orada da müzakirələr zamanı sənədin iqtisadi, maliyyə əsaslandırılması məsələsi ortaya çıxdı.

Gununsesi.info xəbər verir ki, bunu əmək və əhalinin sosial müdafiəsi nazirinin müavini Natiq Məmmədov Milli Məclisin (MM) Əmək və sosial siyasət komitəsinin fevralın 7-də keçirilən iclasında – “Əlil olan şəxslərin hüquqları haqqında” qanun layihəsinin ictimai dinləmələrində çıxışı zamanı deyib.

Onun sözlərinə görə, sənədin iqtisadi-maliyyə əsaslandırılması məsələsi isə Maliyyə Nazirliyi ilə birgə müzakirə olunduqdan sonra o, Prezident Administrasiyasının (PA) müvafiq şöbəsinə göndərildi:

“Artıq qanun layihəsi Prezidentin imzası ilə parlamentə daxil olub və onunla bağlı bir sıra fikirlər, iradlar səsləndirilib. Hesab edirəm ki, bu məsələdə şəxsi maraqlardan çıxış edib, məsələlərə yanaşmaq olmaz.

Yəni, qanun layihəsinin daha təkmil, daha effektli və işlək olması üçün şəxsi maraqlardan uzaq təkliflər səsləndirilsin. Bu zaman həmin təkliflər qanun layihəsinin bir daha təkmilləşdirilməsində nəzərə alınacaq”.

Gununsesi.info