Türkiyə Prezidenti Rəcəb Tayyib Ərdoğan Birləşmiş Ərəb Əmirliklərinə səfər edəcək.
Gununsesi.info xəbər verir ki, bu barədə Türkiyə Prezident Administrasiyasının Kommunikasiya idarəsi məlumat yayıb.
Ərdoğan Ümumdünya İqlim Fəaliyyəti Sammitində iştirak etmək üçün noyabrın 30-dan dekabrın 1-dək Birləşmiş Ərəb Əmirliklərinə (BƏƏ) səfər edəcək.
Sammitdə ekoloji problemlər, enerji, qida və sağlamlıq kimi müxtəlif məsələlər, xüsusilə iqlim dəyişikliyi ilə mübarizə siyasətləri ilə bağlı rəhbərlik səviyyəsində fikir mübadiləsinin aparılması planlaşdırılır.
Görüş çərçivəsində Ərdoğanın bəzi iştirakçı ölkələrin dövlət və hökumət başçıları ilə ikitərəfli görüşlər keçirəcəyi də gözlənilir.
Gununsesi.info
