Türkiyə Prezidenti Rəcəb Tayyib Ərdoğan ötən gün Dolmabahçe Sarayında sənətçilərə iftar qonaqlığı verib.
Gununsesi.info xəbər verir ki, qonaqlıqda İbrahim Tatlısəs, Orxan Gencebay, Hülya Avşar, Bülənt Ərsoy, Demet Akalın və həyat yoldaşı Okan Kurt, Hakan Ural, Yavuz Bingöl, Tamer Qaradağlı, Alişan, Metin Şəntürk və başqaları olub.
“İnanıram ki, bu torpaqdan, millətdən, mədəniyyətdən ilhamlanmış heç bir sənət əsəri uğursuzluqla üzləşməyəcək. Biz öz dəstəyimizlə həmişə sənətçilərimizin yanındayıq və bunu davam etdirəcəyik. Sənətkar cəmiyyətin güzgüsüdür. Ankarada Prezident Simfonik Orkestrinin yeni binasını və İstanbulda Atatürk Mədəniyyət Mərkəzinin açılışını etdik, dünya səviyyəli sənət mərkəzlərini ölkəmizə gətirdik. Böyük və qüdrətli Türkiyənin qurulmasında ən həyati vəzifələrdən biri indi bizim sənətkarlarımızın üzərinə düşür. Mədəniyyət və incəsənətlə taclandırılmayan bir inkişaf hərəkəti yalnız daş, dəmir və metaldan ibarət olacaq. Bununla belə, biz sivilizasiyanın dirçəlişində maraqlıyıq” – Türkiyə prezidenti sənətçilər qarşısında çıxışında bildirib.
Gununsesi.info
