Dünən kritik görüşlər keçirən Türkiyə prezidenti Rəcəb Tayyib Ərdoğanın uzun boylu və bığlı mühafizəçisi Yunanıstan mətbuatının gündəmində olub.
Gununsesi.info xəbər verir ki, Yunanıstanın ən çox oxunan qəzetlərindən biri olan “Proto Thema”da Afinadakı təmasları boyunca Ərdoğanı müşayiət edən uzunboylu mühafizəçinin adı çəkilib.
Qəzet “Ərdoğan və nüməndə heyətinin Afinada 7 saatlıq təması zamanı gözlənilməz hadisənin qarşısını almaq üçün təhlükəsizlik yüksək səviyyədə idi. Amma Ərdoğanın uzunboylu şəxsi mühafizəçisi diqqətdən yayınmadı” şərhini yazıb.
SKAI televiziyasından görüntülərin də yer aldığı qəzet, “2 metr boyu olan mühafizəçi prezident Ərdoğan Afinadakı Eleftherios Venizelos hava limanına enən kimi gözünü ondan çəkmədi” ifadəsinə yer verib.
Digər tərəfdən, Yunanıstan mətbuatı Ərdoğanın səfəri üçün 47 silahın təsdiqləndiyini və onlardan 16-nın Ərdoğanın mühafizəçilərinə aid olduğunu yazıb.
“Proto Thema” qəzeti də Ərdoğanın səfəri zamanı təhlükəsizliyin yüksək səviyyədə olduğunu vurğulayıb.
Gununsesi.info
