Gununsesi.info-nun verdiyi xəbərə görə, Qüds müqavimətinin simvolu 15 yaşlı Fəvzi Cunəydi ötən çərşənbə günü hava limanında İsrail əsgərləri tərəfindən Türkiyə prezidenti Rəcəb Tayyib Ərdoğanla görüşdüyü üçün saxlanılıb. Atası Məhəmmədin səhhətində olan problemlərinə görə Türkiyəyə gəlmək üçün təyyarəyə minməyə hazırlaşarkən saxlanılan və həmin gün sərbəst buraxılan Fəvzinin məhkəməyə qədər xaricə çıxması qadağan olunub. Fəvzi ABŞ-ın Qüdsü İsrailin paytaxtı elan etdikdən sonra Fələstində başlayan Qüds müqavimətində İsrail əsgərlərinə daş atdığı iddiası ilə saxlanılıb. Ailəsinin dolanışığını təmin etmək üçün təhsilini dayandıran Fəvzi Türkiyənin 3 min dollarlıq kəfalətini ödəməsindən sonra keçən il dekabrın 19-da azadlığa buraxılmışdı. Türkiyənin “Sabah” qəzetiə açıqlama verən Fəvzi Cuneydi bildirib ki, İsrail rejimi əsgərləri ona qarşı kobud davranıblar və Ərdoğanla görüşü barədə suallar veriblər. Mənbə: http://eastnews.org/news/22202
Gununsesi.info
