\
Spiker Oqtay Əsədov Türkiyə Böyük Millət Məclisini (TBMM) ziyarət edib.
Gununsesi.info-ya verilən məlumatda bildirilir ki, Azərbaycan Milli Məclisinin sədri Oqtay Əsədov Türkiyəyə səfəri çərçivəsində TBMM-in sədri İsmail Kahramanla görüşüb. Görüşdən öncə o, 15 iyulda parlament binasını bombalanmasından sonra yaranmş vəziyyətlə tanış olub. Daha sonra O.Əsədovla İ.Kahraman arasında görüş olub. Görüşdə iki ölkə arasında əlaqələrin dərinləşdirilməsi, həyata keçirilən birgə layihələr, bölgədəki vəziyyət, Qarabağ məsələsi, parlamentların iki ölkə arasındakı münaisbətlərin daha da dərinləşdirilməsi istiqamətindəki rolu haqqında fikir mübadiləsi aparıblar.
Qeyd edək ki, O. Əsədovun başçılığı ilə nümayəndə heyəti İstanbulda Bosfor körfəzi üzərində üçüncü körpünün açılışı mərasimində iştirak etmək üçün avqustun 25-də Türkiyəyə səfər edib.
IX Osmanlı padşahının adını daşıyan Yavuz Sultan Səlim körpüsünün eni 59 metr, uzunluğu 1408 metr olmaqla dünyanın ən geniş və uzun rels sisteminə malik “Asma körpü”sü olacaq. Avropa ilə Asiya qitəsini birləşdirəcək bu üçüncü körpünün üzərində avtomobillərin hərəkəti üçün 4 gediş və 4 dönüş olmaqla 8 hərəkət zolağı və iki dəmiryol xətti salınıb.
Avqustun 26-da körpünün açılış mərasimində ölkə başçısı prezident Rəcəb Tayyib Ərdoğan, baş nazir Binəli Yıldırım və nazirlər qatılıblar.
IX Osmanlı padşahının adını daşıyan Yavuz Sultan Səlim körpüsünün eni 59 metr, uzunluğu 1408 metr olmaqla dünyanın ən geniş və uzun rels sisteminə malik “Asma körpü”sü olacaq. Avropa ilə Asiya qitəsini birləşdirəcək bu üçüncü körpünün üzərində avtomobillərin hərəkəti üçün 4 gediş və 4 dönüş olmaqla 8 hərəkət zolağı və iki dəmiryol xətti salınıb.
Avqustun 26-da körpünün açılış mərasimində ölkə başçısı prezident Rəcəb Tayyib Ərdoğan, baş nazir Binəli Yıldırım və nazirlər qatılıblar.
Səfər çərçivəsində O.Əsədovun Türkiyə rəsmilərlə bağlı görüşləri də nəzərdə tutulub.
Gununsesi.info
