Əfqanıstanın Parvan əyalətinin Sayed Hel mahalında baş verən partlayış nəticəsində 7 dinc sakin həlak olub.
Gununsesi.info xəbər verir ki, bu barədə mahalın nümayəndəsi Əhməd Lemar məlumat verib.
Onun sözlərinə görə, Molla Şircan bölgəsində yola quraşdırılan bomba avtomobilin ərazidən keçdiyi zaman işə düşüb.
Lemar ölənlərin hamısının bir ailədən olduğunu bildirib.
Terror aktı ilə bağlı hələlik heç bir qruplaşma məsuliyyəti öz üzərinə götürməyib.
Gununsesi.info
