Hazırda həbsdə saxlanılan “Xural” Media Qrupunun rəhbəri Əvəz Zeynallı Azərbaycan Respublikasının İnsan Hüquqları üzrə müvəkkili (Ombudsman) Səbinə Əliyevaya müraciət edib.
Gununsesi.info-nun xəbərinə görə, jurnalist müraciətində Baş Prokurorluğun İstintaq İdarəsi tərəfindən bu il sentyabrın 10-da siyasi sifariş əsasında, saxta ittihamlarla həbs olunduğunu, həbsindən ötən 3 ay 10 gün olmasına baxmayaraq, hələ də ailə üzvləri ilə telefon danışıqlarına və ailə görüşünə qanunsuz qadağa qoyulduğunu bildirib.
O, Ombudsmandan bu məsələ ilə bağlı müraciətinə baxılmasını və hüquqlarının tanınmasına yardımçı olmağı xahiş edib.
Jurnalist xatırladıb ki, “Həbs yerlərində saxlanılan şəxslərin hüquq və azadlıqlarının təmin olunması haqqında” qanun ona bu hüquqları verir.
Günay
Gununsesi.info
