2015-ci ilin martından Yəməndə silahlı münaqişə səbəbindən 14 mindən çox dinc sakin həlak olub və ya yaralanıb.
Gununsesi.info xəbər verir ki, bunu brifinqdə BMT-nin İnsan Hüquqları üzrə Ali Komissarı İdarəsinin rəsmi nümayəndəsi Rupert Kolvill deyib.
O bildirib ki, ölənlərin və xəsarət alanların sayı 2015-ci ilin martından indiyədək 14 168 nəfərə çatıb: “5295 nəfər həlak olub, 8873-ü yaralanıb. Bu rəqəmləri İdarənin Yəmən ofisi təqdim edib, lakin real rəqəmlər yəqin ki, daha yüksəkdir”.
Hazırda ölkədə 20 milyon nəfər – əhalinin 70 faizinin humanitar yardıma ehtiyacı var. 3 milyon nəfər evini tərk etməyə məcbur olub.
Qeyd edək ki, Səudiyyə Ərəbistanının başçılıq etdiyi koalisiya Yəməndə husilərlə mübarizə aparır.
Gununsesi.info
