İngiltərədə 180-dən çox uşaq atası olduğunu iddia edən Robert Çarlz Albonun uşaq üzərində valideynlik hüquqlarını iddia etməsindən sonra hakim nizamlanmamış sperma donorluğunun təhlükələri barədə xəbərdarlıq edib.
Gununsesi.info xarici mediaya istinadən xəbər verir ki, Böyük Britaniyada yaşayan və sperma donorluğu vasitəsilə 180-dən çox uşaq dünyaya gətirdiyini iddia edən Robert Çarlz Albonun bir uşaq üzərində atalıq olduğunu iddia etməsindən sonra hakim nizamlanmamış sperma donorluğunun təhlükələri barədə xəbərdarlıq edib.
Özünü “Co Donor” kimi təqdim edən Robert Çarlz Albon ona məxsus olduğunu iddia etdiyi uşağın adının dəyişdirilməsi və Albonun adının doğum şəhadətnaməsinə salınması üçün məhkəməyə müraciət edib. Lakin hakim bu tələbi rədd etdi və nizamsız sperma donorluğunun qadınlar üçün yaratdığı risklərə diqqət çəkdi.
Albon ABŞ, Çin, Argentina, Avstraliya və Böyük Britaniyada 180-dən çox uşaq atası olduğunu iddia edir. Hakim Furness, Albonun yalnız öz istəyi ilə uşaqları olduğunu və qadınlara “əmtəə” kimi baxdığını söylədi.
Furness, Albonun adının ictimaiyyətə açıqlanmasının “ictimai maraqlara” cavab verdiyini bildirərək, nizamlanmayan sperma ianələrinin qadınlara və uşaqlara mənfi təsir göstərə biləcəyini söylədi. Hakim insanların belə hallardan xəbərdar olması lazım olduğunu və qadınların belə bir təcrübə yaşamaması ilə bağlı xəbərdarlıq edildiyini bildirib.
Məhkəmə Albona uşaqla birbaşa təmas hüququ vermədi. Bunun əvəzinə, “poçt qutusu ilə əlaqə” hüquqlarının verilməsi ilə Albon uşağa illik kart və ya e-poçt göndərmək hüququ qazandı. Hakim belə qənaətə gəlib ki, Albonun valideynlik hüquqları ilə bağlı iddiası uşağın maraqlarına uyğun gəlməyəcək.
Orxan Saffari
