21 min dəfə müştəri xidmətlərinə zəng vuran 71 yaşlı şəxs saxlanıldı

  • By arzu
  • 03 Dekabr 2019
Yaponiyada 71 yaşlı bir şəxs 2 il ərazində GSM şirkətlərindən birinin müştəri xidmətləri bölməsinə 21 min dəfə zəng vurduğu üçün saxlanılıb.

Gununsesi.org Qaynarinfo-ya istinadən xəbər verir ki, adı açıqlanmayan şəxs təkcə ötən həftə 400-dən çox zəng vurduğu üçün Tokio polisi tərəfindən tutulub. Şəhər Polis İdarəsinin sözçüsü şübhəlinin “ticarət fəaliyyətinə mane olmaq” maddəsi ilə saxlandığını açıqlayıb.

71 yaşlı qocanın 2 il boyunca taksafonlardan zəng etdiyi və şirkətin xidmətindən narazılığını dilə gətirərək, işçiləri söydüyü bildirilib. Naməlum şəxs şirkətin müqavilə şərtlərini pozduğunu və bu səbəbdən işçilərin evinə gəlib üzr istəmələrini istəyirdi.