Aralıq dənizində göyərtəsində miqrantlar olan gəmi qəzaya uğrayıb.
Gununsesi.info-nun xarici mediaya istinadən verdiyi xəbərə görə, hadisə nəticəsində 30-dan çox miqrant batıb.
Məlumata görə, İtaliyaya üz tutan gəmi Liviyadan dənizə çıxıb və göyərtəsində 200-dək miqrant olub. Onların vətəndaşlıqları barədə məlumat verilmir. Ölənlərin əksəriyyətinin azyaşlı uşaqlar olduğu bildirilir. Hadisə yerində axtarış-xilasetmə işləri davam etdirilir.
İlin əvvəlindən dəniz vasitəsilə Avropaya 44 minə yaxın qeyri-qanuni mühacir daxil olub. Aralıq dənizini qət etməyə çalışarkən onlardan təxminən 1300 nəfəri ölüb.
Gununsesi.info
