Birləşmiş Millətlər Təşkilatının (BMT) Baş Assambleyasında Qəzzada atəşkəs tələb edən qətnamə layihəsinə “xeyr” deyən 14 ölkədən 4-ü Avropa İttifaqına (Aİ) üzv olan Avstriya, Macarıstan, Çexiya və Xorvatiya olub.
Gununsesi.info bildirir ki, ötən gecə BMT Baş Assambleyası Qəzzada “dərhal, daimi və davamlı humanitar atəşkəs və hərbi əməliyyatların dayandırılmasını” tələb edən qətnamə layihəsini qəbul edib.
İordaniyanın təqdim etdiyi və Türkiyə də daxil olmaqla 50-yə yaxın ölkənin birgə təqdim etdiyi sənəd layihəsi BMT Baş Assambleyasının 193 üzvü olan Fələstin Xüsusi Fövqəladə Sessiyasında səsə qoyulub. Qətnamə layihəsinə 45 “bitərəf”, 14 “xeyr” və 120 “hə” səs verib.
Atəşkəsə “yox” deyən 14 ölkə arasında İsrail, ABŞ, Fici, Qvatemala, Marşal adaları, Mikroneziya, Nauru, Papua Yeni Qvineya, Paraqvay və Tonqa ilə yanaşı, 4 Aİ üzvü də var. Bu ölkələr Avstriya, Macarıstan, Çexiya və Xorvatiya idi.
Atəşkəsə “hə” deyən 8 Aİ üzvü Belçika, İrlandiya, Fransa, Lüksemburq, Malta, Portuqaliya, Sloveniya və İspaniyadır.
Səsvermədə bitərəf qalan 45 ölkə arasında 15 Aİ ölkəsi, Almaniya, İtaliya, Yunanıstan, Hollandiya, Polşa, Bolqarıstan, Cənubi Kipr Rum Administrasiyası, Danimarka, Estoniya, Finlandiya, Latviya, Litva, Rumıniya, Slovakiya və İsveç var.
Gununsesi.info
