Müğənni Ajda Pekkan “Hürriyet” qəzetinin əməkdaşı Ömür Gedikə müsahibə verib.
Eyni zamanda ikili birgə fotosessiya da etdiriblər.
Axşam.az həmin müsahibənin maraqlı məqamlarını təqdim edir:
– Neçə dəfə aşiq oldunuz?
– Heç saymıram belə şeyləri. Sayılmalı bir şey yoxdur.
– Sevgi qadınısız?
– Hə. Mən pişiyimə də aşiq oluram, yaşadığım hər şeyə aşiq ola bilərəm. Gözəlsə, dəyərsə, mənimlə uğundursa… Hazırda baxçama, sevdiyim insanların etdiyi gözəl hərəkətlərə aşiqəm.
– Türk kişisi diqqətlidirmi?
– Düşünmürəm.. Çünki uşaq kimidirlər.
– Kişilər nə vaxt böyüyür?
– Yaşı yoxdur. Həyatda yaşadıqları təcrübələrə, səhvlərə və ya doğrularına görə böyüyürlər.
– Heyvanlar sizə nə öyrədir?
– Mənə hər gün bir şey öyrədirlər. İnsan olmağı, sadiq qalmağı… O da bu dövrdə çox səhvdir (gülür)
– Sadiq olmaq?
– Hə, amma mən beləyəm. Özümə, işimə, sevdiklərimə sadiqəm.
– Evli, uşaqlı biri olsaydınız, necə olardı?
– Mən o tip biri deyiləm. Amma evə bağlıyam. Həyatımda hər zaman xoşbəxt olmaq üçün darıxdım. İstədim, bunun üçün çox fədakarlıq etdim…
– Xoşbəxtsiniz?
– Xoşbəxtəm. Kiminsə məni xoşbəxt etməsi vacib deyil, öz-özümə xoşbəxtliyi öyrəndim. İndi yaxşıyam. Çox paradoks yaşadım. Amma insan özü ilə xoşbəxt olmağı bacarırsa, bunu öyrənə bilirsə, həyatdan dərs çıxara bilirsə nə yaxşı.
– Həyatda ən böyük dərsi nədən aldınız?
– Öz həyatımdan. Ajda Pekkanın köləsiyəm əslində…
– Tarkan evləndi. Ondan sonra hamı başladı evlənməyə. Bəs siz?
– Sabah, bir gün mənim nə edəcəyim bəlli olmaz, hər an ərə gedə bilərəm. Hər şey edə bilərəm. Yaşayarkən həyatdan həzz almağı sevirəm.
– Bədən quruluşunuz çox gözəldir. Çox idman edirsiniz?
– Nə qədər idman edirəmsə, edim. Həyatın insandan aldıqları var. Ona görə özümə yaxşı baxmağa çalışıram. Çox ağır idman edirəm. Qadınlar kimi yox, kişi gimnastikası ilə məşğulam.
– Səhnə ritualınız var?
– Yox, sadəcə Allaha deyirəm ki, “Mənə kömək et”. İnanclı insanam.
– Həyatınızı girən kişilər işinizə hər zaman müdaxilə ediblər. Neçə dəfə bununla rastlaşmısınız?
– Hər zaman. İşimə anlayış göstərməyib məhdudlaşdırmağa çalışdılar. Mənə heç kim sual verə bilməz. Çünki mən heç kimə sual vermirəm, hesab soruşmuram.
– “Kişilərlə münasibətimdə atamı axtardım” demişdiniz…
– Mənim atamla o qədər böyük münasibətim olmayıb. Kaş ki kişilər beyinlərində mənim qədər kişi olsaydılar… Dürüst, sözünün arxasında qalan.
– Uşaq həsrətiniz varmı? Heç övladlığa götürmək barədə düşünmədiniz?
– Yox, düşünmədim. Uşaqları çox sevirəm, amma özümü belə bir hissdən məhrum etmişkən başqa bir uşağı övladlığa götürmək fikri qəribədir. Şərtlər uyğun olsaydı, özüm uşaq doğardım elə…
– Peşmanlıqlarınız oldu şöhrət yolunda?
– Şöhrətdən neçə dəfə qaçmağa çalışdım, amma məni buraxmadı. Hələ də buraxmır.
– Bəlkə də kiminsə sizin əlinizdən tutub çəkməsi lazımdır
– Kim çəkər ki, bu saatdan sonra. Çəksin, vallah (gülür).
Gununsesi.info
