Ukraynanın Volın vilayətinin uşaq xəstəxanasında səkkiz yaşlı bir qız sürətlə yaşlanmağa səbəb olan nadir bir xəstəlik – “Hatçinson-Gilford” sindromu səbəbiylə dünyasını dəyişib.
Gununsesi.org Moderator.az-a istinadən xəbər verir ki, bu barədə jurnalistlərə “Visnik” Volın vilayət uşaq xəstəxanasının direktoru Sergey Lyaşenko danışıb.
“Anna Sakidon adlı qızın bioloji yaşı 70 ilə çatıb. Uşağın yaşadığı hər bir il dəhşətli xəstəlik səbəbindən 8-10 il kimi ötüb. Ümumilikdə ölkəmizdə belə bir xəstəliyi olan iki körpə var və ikisi də qızdır. Dünyada isə 100-ə yaxın uşaqda belə bir xəstəlik qeydə alınıb” – deyə Lyaşenko qeyd edib.
Həkimin sözlərinə görə, bu nadir xəstəliyə uşaqlarda progeriya (vaxtından əvvəl yaşlanma) da deyilir. Xəstələr, ümumiyyətlə, xarakterik bir görünüşə sahibdirlər: alçaq boy, nisbətən böyük bir baş və kəllə sümüyünün üz hissəsinin kiçilməsi. Genetik çatışmazlıq olduğundan bu mərəzin, hələ ki, müalicəsi yoxdur…
