Şəkidə 89 yaşlı qadın sirkə turşusu içərək ölüb.
Gununsesi.info-nun məlumatına görə, hüquq-mühafizə orqanlarından APA-ya bildirilib ki, hadisə iyulun 29-u günorta saatlarında rayonun Şəki kəndində baş verib. Kənd sakini, 1927-ci il təvəllüdlü Qızbəst Bayram qızı Rəcəbovanın meyiti yaşadığı evdə aşkar edilib. İlkin araşdırma zamanı məlum olub ki, 89 yaşlı Qızbəst Rəcəbova ehtiyatsızlıqdan sirkə turşusu içib və bu onun ölümünə səbəb olub.
Faktla bağlı Şəki rayon prokurorluğunda araşdırma aparılır.
Gununsesi.info
