Malayziya hökuməti 2026-cı ildən etibarən 16 yaşdan kiçik uşaqların sosial media hesabı açmasını qadağan etməyi planlaşdırır.
Gununsesi.info xarici mediaya istinadən xəbər verir ki, bu barədə rabitə naziri Fəhmi Fadzil məlumat verib.
Bildirilib ki, bu addım gəncləri kiberhücum, fırıldaqçılıq və cinsi istismar kimi onlayn zərərlərdən qorumaq məqsədi daşıyır. Hökumət istifadəçilərin yaşını təsdiqləmək üçün şəxsiyyət vəsiqəsi və ya pasportla elektron yoxlamaları tətbiq etməyi araşdırır, lakin qadağanın dəqiq tətbiq tarixi açıqlanmamışdır.
Qeyd edək ki, Avstraliya da dekabrın 10-dan etibarən 16 yaşdan kiçik uşaqlar üçün sosial mediaya girişə qadağa qoyub.
Danimarka 15 yaşdan kiçik uşaqlar üçün sosial mediaya giriş qadağası, Norveç isə minimum yaş həddini 15 olaraq müəyyən edən qanun layihəsi hazırlayır.
Bu addımlar, azyaşlıların sosial medianın təsirindən qorunması ilə bağlı beynəlxalq narahatlıqları əks etdirir.
Şəbnəm
