Şagirdlərin təhsil müəssisələrinə təhlükəsiz və rahat gediş-gəlişinin təmin olunması məqsədilə Bakı şəhəri ərazisində tətbiq edilən “Məktəbli avtobusları” pilot layihəsinin növbəti tədris ilindən etibarən daha da genişləndirilməsi planlaşdırılır.
Gununsesi.info xəbər verir ki, layihənin əhatə dairəsinin artırılması ilə yanaşı, göstərilən xidmət üzrə ödəniş məbləğinə də yenidən baxılması nəzərdə tutulur.
Bu zaman ölkə üzrə müəyyən edilmiş yaşayış minimumunun nəzərə alınacağı bildirilir.
Məqsəd xidmətin daha əlçatan olmasını təmin etmək və valideynlərin maliyyə yükünü optimallaşdırmaqdır.
Məsul qurumlar tərəfindən layihənin səmərəliliyinin qiymətləndirilməsi, marşrut şəbəkəsinin genişləndirilməsi və xidmət keyfiyyətinin yüksəldilməsi istiqamətində işlərin davam etdirildiyi qeyd olunur.
Qeyd edək ki, İnsan Hüquqları üzrə Müvəkkili (Ombudsman) Səbinə Əliyeva ötən ilki fəaliyyətinə dair məruzəsini parlamentə təqdim edir. Sözügedən məruzədə aidiyyəti qurumlara təklif və tövsiyələr əks olunub.
Orxan
