Avropa Şurasının 2025-ci il Həbsxana Əhalisinə dair İllik Cəza Statistikası (SPACE I) açıqlanıb.
Qurumdan Gununsesi.info-ya göndərilən hesabatda göstərilir ki, bir çox Avropa ölkələri üzləşdikləri ciddi həbsxana sıxlığının aradan qaldırılmasında acizdirlər.
“Bir çox başqalarında, son illərdə həbsxana əhalisinin artması səbəbindən həbsxanalar tam dolub. Eyni zamanda, sorğu göstərir ki, yaşlı məhbusların xüsusi çəkisi artır ki, bu da gələcəkdə həbsxana sistemləri üçün əməliyyat və siyasi problemlər yarada bilər və həbsxanada olan qadınların nisbətində cüzi artım var”.
Sənəddə deyilir ki, ümumilikdə, Avropada hər 100 yerə düşən məhbusların sayı ölkələr arasında əhəmiyyətli fərqlərlə 31 yanvar 2024-cü ildən 31 yanvar 2025-ci il tarixinədək 94,7-dən 95,2-yə yüksəlib:
“500,000-dən çox əhalisi olan ölkələrdə 14 həbsxana sistemi mövcud yerlərdən daha çox məhbusun olduğunu bildirdi. Şiddətli sıxlığın olduğunu bildirən həbsxana administrasiyalarının sayı 2024-cü ilin yanvarında altıdan 2025-ci ilin yanvarında doqquza çatıb.
Sənəddə qeyd olunur ki, Avropa Şurasına üzv ölkələrdə məhbus sıxlığına görə Türkiyə və Azərbaycan ön sıralarda yer alır.”
Həbs nisbətlərinin ən yüksək olduğu ölkələr Türkiyə (hər 100.000 nəfərə 458 məhbus), Azərbaycan (271), Moldova Respublikası (245), Gürcüstan (232), Macarıstan (206), Monteneqro (200), Albaniya (192), Polşa (189), Latviya (189) və Slovakiya (151).
Firuzə Mahmudova
