“Amnesty International” İranda siyasi məhbusların edam hökmlərinin dayandırılması üçün təcili diplomatik addımlar atılmasını tələb edib.
Gununsesi.info xəbər verir ki, buna səbəb siyasi məhbusların edamlarının dayandırılması çağırışıdır.
Amnesty International yaydığı çağırışda siyasi məhbuslar Zahra Tabari, Karim Khojasteh, Abolfazl Salehi Siavoshani, Ehsan Hosseinipour və Mansour Jamali barədə çıxarılan edam hökmlərinin dayandırılması üçün təcili diplomatik tədbirlər görülməsini tələb edib.
Amnesty xəbərdarlıq edib ki, bu məhbuslar ədalətsiz məhkəmələrdən sonra ciddi şəkildə edam təhlükəsi ilə üz-üzədirlər və İran rejimi edamdan müxalifəti susdurmaq üçün bir vasitə kimi istifadə edir.
Amnesty Internationalın Zahra Tabari və Karim Xocəstə barədə çağırışında deyilir ki, onlar qadağan olunmuş müxalifət qrupları ilə əlaqədə ittiham olunaraq ədalətsiz məhkəmədən sonra edama məhkum ediliblər və İran rejimində hökmün icrası təhlükəsi altındadırlar.
Amnesty Internationalın digər çağırışlarında da qeyd olunur ki, bu məhbuslar siyasi motivli ittihamlarla edama məhkum olunmuş onlarla digər məhbus arasında yer alırlar.
İran rejiminin rəsmilərinin ölüm hökmündən müxalifətin susdurulması üçün vasitə kimi istifadə etməyə davam etdiyi bir vaxtda, daha çox edamların həyata keçirilməsi ilə bağlı narahatlıqlar artmaqdadır.
