Carlsberg Group-un bir hissəsi olan “Carlsberg Azerbaijan” pivə istehsalı şirkəti Young Global Pioneers-in unikal beynəlxalq tədris proqramında iştirak uğrunda müsabiqənin milli mərhələsini uğurla keçən Azərbaycandan olan yarımfinalçını elan etməkdən böyük məmnunluq hissi duyur.
Gununsesi.info-ya şirkətdən verilən xəbərə görə, yarımfinalçı Azərbaycan Dövlət İqtisad Universitetinin “SABAH” qruplarının tələbəsi Nilgün Aslanova olub.
Onlarla azərbaycanlı gənc İstedadların Qlobal Şəbəkəsinin bir hissəsi olmaq uğrunda yarışıb. İlkin seçim tələbələrin müraciəti əsasında həyata keçirilib, hansı ki, tələbələr müraciətdə bir neçə suala cavab verən və günümüzün aktual mövzusu olan “yaşıl iqtisadiyyat”-la bağlı (Enabling transition to green economy in Azerbaijan: role of business, government and society cooperation) inşa (esse) yazıblar.
Daha sonra müraciətləri uğurlu olaraq seçilən 5 lider konkursda iştiraklarını davam etdirərək müsahibəyə dəvət olunublar. Nilgün hər iki mərhələdən müvəffəqiyyətlə keçib.
Carlsberg Azerbaijan-ın insan resurslarının idarəedilməsi və administrativ məsələlər üzrə direktoru, münsiflər heyətinin üzvü Nərgiz Muradova qeyd edib ki, hesab edirəm ki, Carlsberg fondu və Young Global Pioneers tərəfindən həyata keçirilən bu proqram gənclərimiz üçün digər ölkə və xalqların mədəniyyəti ilə tanış olmaq və qlobal məsələlərin müzakirəsinə öz töhfələrini vermək üçün, habelə finalistimizin Azərbaycan gəncliyinin nümayəndəsi və İstedadların Qlobal Şəbəkəsinin üzvü olaraq Vətənə döndükdən sonra tətbiq edə biləcəyi bir çox faydalı məlumatlar əldə etmək üçün əla fürsətdir: “Qeyd etmək istəyirəm ki, Azərbaycandan yarımfinalçını seçmək bizim üçün olduqca çətin oldu, belə ki, situasiyaya maraqlı və özünəməxsus baxışa malik və proqramda iştirak etmək arzusunda olan bir çox layiqli gənclər var idi, lakin Nilgün bir sıra meyarlar əsasında seçilmişdir, hansı ki bu meyarlar üzərində namizədlərin qlobal seçimi qurulmuşdur. Nilgünə seçimin növbəti mərhələsində uğurlar və, ən əsası, məqsəd və diləklərini reallaşdırmağı arzu etmək istəyirəm”-, deyə o bildirib.
SABAH-ın İcraiyyə Komitəsinin rəhbəri Şahin Seyidzadə isə bildirib ki, növbəti mərhələ olaraq Nilgün Young Global Pioneers təşkilatından münsiflər heyəti ilə müsahibədən keçməlidir .
“Tələbənin inkişafı yalnız tədris prosesi çərçivəsində deyil, həmçinin beynəlxalq proqramlar çərçivəsində xarici ölkələrdən olan həmyaşıdları ilə ünsiyyət vasitəsilə baş verir. Qalibin qız olması bizi ikiqat fərəhləndirir, bu, bir daha onu göstərir ki, təhsil almaq üçün hamının imkanları eynidir”, – deyə o bildirib.
Qeyd edək ki, bu il Carlsberg Fondunun bir hissəsi olan Carlsberg Bequest-in dəstəyi ilə müsabiqə Şərqi Avropa regionunun bir neçə ölkəsində (Rusiyada, Belarusda, Qazaxıstanda və Azərbaycanda) keçirilir. Carlsberg Azerbaijan seçimi SABAH qrupları ilə eksklyuziv partnyorluq çərçivəsində həyata keçirir. Qeyd olunan ölkələrdən olan yarımfinalçılar da yaxın zamanlarda elan olunacaq. Young Global Pioneers onlar arasında Tanzaniya və Zanzibara gedəcək iştirakçını seçəcək. Bu cür yanaşma finalçının ədalətli seçimini təmin edir. Qalibin adı 11 may 2017-ci il tarixində elan olunacaq.
YGP Talent Network – 19 yaşdan 25 yaşa qədər olan liderlər üçün beynəlmiləl tədris proqramıdır. Onun missiyası – dünyadakı problemlərin innovasiyalı həll yollarını birlikdə tapmaq üçün dünyadakı gənc istedadları bir araya gətirmək, onların dünyagörüşünü genişləndirmək, mədəniyyətlərarası əlaqənin səviyyəsini artırmaq və qlobal şəkildə düşünməyi öyrətməkdir.
Bu il YGP Talent Network 23 iyuldan 12 avqusta qədər keçiriləcək Tanzaniya və Zanzibar üzrə təlim turundan başlayacaq. Üç həftə ərzində planetin müxtəlif yerlərindən 20 yaşıd bir-biriləri haqqında daha çox öyrənmək və dünyadakı problemlərin innovasiyalı həll yollarını tapmaq üçün bir araya gələcək.
Turun iştirakçıları universitetləri və qabaqcıl müəssisələri ziyarət edəcək, yerli mədəniyyəti və adətləri öyrənəcək, SOS Uşaq kəndindən olan gənclərlə ünsiyyətdə olacaq, safari-turuna gedəcək və s.
Səfər bitdikdən sonra Young Global Pioneers-in proqramının bütün iştirakçıları İstedadların Qlobal Şəbəkəsinin bir hissəsi olacaq. Bu Şəbəkənin əsasında daha sonra üç aydan bir keçirilən Global Reflection vebinarı və s. kimi onlayn-tədbirlərin mütəmadi olaraq keçirilməsi sayəsində, təlimlər baş tutacaq və mədəniyyətlərarası əlaqələr möhkəmlənəcək.
Gülnaz Qənbərli
Gununsesi.info
