İsrailin HƏMAS-ın 7 oktyabr hücumlarına cavab olaraq başladığı Qəzza müharibəsində ən azı 9 min 100-ü uşaq, 6 min 500-ü qadın olmaqla 21 min 822 fələstinli həyatını itirib, 56 min 451 nəfər isə yaralanıb.
Gununsesi.info bildirir ki, ABŞ Qəzzada müharibə başlayandan sonra Aralıq dənizinə göndərdiyi “USS Gerald R. Ford” hərbi gəmi qrupunu geri çəkmək qərarına gəlib.
Oktyabrın 7-dən dərhal sonra Vaşinqton ABŞ Hərbi Dəniz Qüvvələrinin ən yeni və ən böyük hərbi gəmi qrupunu “İsraili dəstəkləmək və İran və Hizbullahın münaqişəni regional miqyasda genişləndirmək” addımlarına qarşı “çəkindirmə” məqsədilə Şərqi Aralıq dənizinə göndərib.
İki ABŞ rəsmisinin verdiyi məlumata görə, oktyabrın 8-də ABŞ Müdafiə Nazirliyi (Pentaqon) tərəfindən Şərqi Aralıq dənizinə istiqamətləndirilən USS Gerald R. Ford “yaxın günlərdə” bölgəni tərk edərək Virciniyadakı bazasına qayıdacaq.
Gununsesi.info
