ABŞ Hərbi Hava Qüvvələrinə məxsus RC-135 Rivet Joint kəşfiyyat təyyarəsi Meksikada Kaliforniya körfəzi üzərində sirli bir missiya yerinə yetirib. Təyyarə Nebraskadakı Offutt Hərbi Hava Qüvvələri bazasından havaya qalxıb və bazasına qayıtmazdan əvvəl Aşağı Kaliforniya sahilləri boyunca uçub. Ərazinin Meksikanın ən böyük və ən məşhur narkotik kartellərindən biri olan Sinaloa Kartelinin təsiri altında olduğu bilindiyi üçün uçuşun məqsədinin kəşfiyyat məlumatı toplamaq olduğu düşünülür.
Gununsesi.info xarici mediaya istinadən xəbər verir ki, ABŞ və Meksika arasında münasibətlər narkotik ticarəti və qeyri-qanuni immiqrasiyaya görə gərgin olaraq qalır.
Uçuş ABŞ ordusunun kəşfiyyat missiyasından tutmuş Tramp administrasiyasının Meksikanın sərhəd təhlükəsizliyinin artırılması müqabilində tarifləri 30 gün müddətinə dayandıracağına dair mesajına qədər müxtəlif fərziyyələrə səbəb olub.
