ABŞ yavaş-yavaş seçki atmosferinə girdiyi bir vaxtda diqqətçəkən bir iddia ortaya atılıb.
Gununsesi.info xəbər verir ki, Amerika mediası ölkənin keçmiş liderlərindən biri, iki müddət prezident olmuş Barak Obamanın həyat yoldaşı Mişel Obamanın seçki yarışına qatılacağını yazıb.
Ölkənin ən çox oxunan tabloid qəzetlərindən olan “New York Post”un yazarı Sindi Adams Obama ailəsinin donorlar arasında sorğu keçirərək lobbiçilik fəaliyyətinə başladığını yazıb.
Qəzetdə dərc olunan plana görə, hazırda Demokratlar Partiyasının namizədi olan prezident Co Bayden yarışdan çəkilmək qərarını may ayında açıqlayacaq. Mişel Obamanın namizədliyi avqustda keçiriləcək Baş Assambleyada irəli sürüləcək.
Hazırda proses üçün zəmin hazırlandığını bildirən ABŞ mətbuatı Mişel Obamanın yaxın ətrafına “Ağ Ev üçün yarışacam” dediyini yazıb.
Gununsesi.info
