Ukraynanın ABŞ-dakı səfiri Oksana Markarova prezident Vladimir Zelenskinin amerikalı senatorlar üçün cəbhədəki vəziyyət və silah ehtiyacları barədə danışacağı onlayn brifinqi niyə ləğv etdiyini izah edib.
Gununsesi.info xəbər verir ki, o, bu barədə telemarafon zamanı bildirib.
Markarovanın sözlərinə görə, Konqresdə bir sıra daxili brifinqlər planlaşdırılıb və Zelenskinin onlardan birində çıxışı nəzərdə tutulub.
Səfir əlavə edib ki, onlar təkcə Ukrayna məsələlərini deyil, həm də Amerikanın daxili problemlərini müzakirə etdikləri üçün çıxış ləğv edilib.
“Əslində fəlakətli heç nə baş verməyib… İdeya bir neçə brifinqdən birində iştirak etmək idi, əgər qoşulmaq mümkün olsa… Lakin onlar təkcə Ukrayna məsələlərini deyil, həm də daxili məsələləri müzakirə etdiyinə görə bu gün biz iştirak etmirik. ”, – o qeyd etdi.
Zelenskinin ABŞ senatorlarına Ukraynadakı müharibə vəziyyəti və Kiyevin dəstəyinə ehtiyac barədə məlumat vermək üçün təhlükəsiz videokonfrans vasitəsilə qapalı brifinqdə çıxış etməsi planlaşdırılırdı.
Lakin bir gün əvvəl ABŞ Senatındakı Demokratik Çoxluğun lideri Çak Şumer Zelenskinin senatorlar qarşısında çıxışını ləğv etdiyini açıqlamışdı. Şumerin sözlərinə görə, “son anda nəsə baş verib”.
Gununsesi.info
