ABŞ-ın Müdafiə Nazirliyindən (Pentaqon) verilən açıqlamaya görə, ən gec sentyabra qədər Birləşmiş Ştatlar ordusunda qulluq edən hərbçilər koronavirusa qarşı peyvəndlənəcək.
Gununsesi.info xəbər verir ki, Pentaqon vaksinasiyanın məcburi olacağını açıqlayıb. Müdafiə naziri LIoyd Austin Pentaqonun qəbul etdiyi qərarı təsdiqləmək üçün prezident Co Baydenə göndərdiyini bəyan edib. Co Bayden də nazir Austinin bu istiqamətdəki tədbirlərinin yanında olduğunu bildirib.
Müdafiə naziri Hindistan ştammını daha qorxulu adlandırıb və lazım gələrsə daha tez hərəkətə keçəcəklərini vurğulayıb.
Nazir bu vaxta qədər ordu personalının 70 faizə yaxın hissəsinin peyvənd olunduğunu söyləyib.
