ABŞ Konqresinin Nümayəndələr Palatası respublikaçıların təklif etdiyi İsrailə 14,3 milyard dollar yardımın ayrılması ilə bağlı qanun layihəsini dəstəkləyib.
Gununsesi.info xəbər verir ki, 226 konqresmen qanun layihəsinin təsdiqinin lehinə, 196-sı isə əleyhinə səs verib.
Yardım planına İsrailin “Dəmir Qübbə” və “Davudun sapandı” hava hücumundan müdafiə sistemlərinin alınması üçün 4 milyard dollar və Iron Beam sisteminin inkişafı üçün 1,2 milyard dollar daxildir.
Qeyd edək ki, qanun layihəsinin qanuna çevrilməsi üçün Senatdan keçməli və ABŞ Prezidenti tərəfindən imzalanmalıdır.
Gununsesi.info
