Əgər ABŞ “Əl Qaidə” və “İŞİD” teror təşkilatlarının regional filiallarını BMT-nin terror təşkilatları siyahısına daxil edə bilsə, Vaşinqton üçüncü ölkə ərazisində xüsusi əməliyyatlara başlaya biləcək.
“Qafqazinfo” xəbər verir ki, bu, ABŞ-a imkan verəcək ki, qanun çərçivəsində üçüncü ölkənin daxili işlərinə qarışsın. Bu barədə “İzvestiya” saytı Rusiyanın diplomatik dairələrindəki mənbəsinə istinadən məlumat yayıb.
Rusiya və Misir kimi ölkələr ABŞ-ın bu təklifinə qarşı çıxıblar.
Qahirə hesab edir ki, əgər “Əl Qaidə”nin regional bölmələri BMT-nin siyahısına düşərsə, bu o demək olacaq ki, yerli hökumətlər öz gücləri hesabına terrorçularla bacara bilmirlər.
Moskva isə öz növbəsində hesab edir ki, terrorçuların regional üzvlərinin sayı o qədər də çox deyil və hökumətlər özləri bu təhdidin öhdəsindən gələ bilərlər.
Gununsesi.info
