Pentaqonun Mərkəzi Komandanlığı bildirib ki, ABŞ esminesi Qırmızı dənizin cənubunda Yəməndəki husi üsyançıları tərəfindən atılan pilotsuz uçuş aparatını və gəmi əleyhinə raketi vurub.
Gununsesi.info xəbər verir ki, hərbi hesablamalara görə, bu hücumları İsrailin Qəzza zolağındakı hərbi əməliyyatına cavab adlandıran husilərin “beynəlxalq gəmiçiliyə” 22-ci hücumudur.
Atışma zamanı potensial təhlükəli ərazidə olan 18 gəmidən heç birinə ziyan dəyməyib.
Qeyd edək ki, ABŞ Yəmən sahillərində gəmiçiliyi qorumaq üçün beynəlxalq dəniz koalisiyası yaradır.
Xatırladaq ki, husilərin hərbi sözçüsü Yəhya Saria daha əvvəl demişdi ki, onların silahlı qüvvələri “İsrailin Ərəb və Qırmızı dənizlərdəki limanlarına gedən istənilən yurisdiksiyadan olan bütün gəmilərin, Qəzza zolağına ərzaq və humanitar yardım daşımadıqları halda, keçidinin qarşısını almağa davam edəcək”.
