ABŞ Yəmən Husilərinin “Ənsar Allah” hərəkatının maliyyə vasitəçisi Səid əl-Camala qarşı yeni sanksiyalar tətbiq edib.
Gununsesi.info xarici mediaya istinadən xəbər verir ki, sanksiyalara Panama bayrağı altında məhdudiyyətlərə məruz qalan yükləri daşıyan “Janet” gəmisinin sahibi olan Honq-Konqda yerləşən “Lainey Shipping Ltd.” şirkəti də var.
ABŞ Maliyyə Nazirinin müavini Brayan Nelson bildirib ki, husilər, yüklərin mənşəyini gizlətmək, daşınma sənədlərini saxtalaşdırmaq və sanksiyaya məruz qalan gəmilərə xidmət göstərmək də daxil olmaqla, qanunsuz fəaliyyətlərini asanlaşdırmaq üçün geniş dəstək şəbəkəsindən istifadə etməyə davam edirlər.
Qeyd edək ki, bundan əvvəl ABŞ Mərkəzi Komandanlığı (CENTCOM) husilərin Ədən körfəzində iki gəmiyə hücum etdiyini təsdiqləyib.
Onların Yəmənin nəzarət olunan əraziləri ərazisindən iki gəmi əleyhinə ballistik raket atdıqları dəqiqləşdirilib.
Gununsesi.info
