ABŞ, İranla nüvə sazişi üzrə danışıqlar çərçivəsində, Tehrana yüksək zənginləşdirilmiş uran ehtiyatlarını Rusiyaya ötürməyi təklif edib.
Gununsesi.info xəbər verir ki, bu barədə “The Guardian”ın məlumatında bildirilir.
Məsələ aprelin 12-də Omanda keçirilən dolayı danışıqlar zamanı müzakirə edilib və bu, tərəflər arasında mümkün razılaşmanın qarşısında duran əsas maneələrdən biridir.
“The Guardian” yazır ki, İran ABŞ-ın uran ehtiyatlarını üçüncü ölkəyə təhvil vermək təklifinə “müqavimət göstərəcək”.
Rusiya prezidentinin mətbuat katibi Dmitri Peskov, “The Guardian”ın məlumatını şərh etməyəcəyini bildirib.
Aprelin 12-də Omanın paytaxtı Maskatda ABŞ və İran nümayəndə heyətləri arasında dolayı danışıqlar keçirilib.
Görüşdən sonra ABŞ prezidenti Donald Tramp, İranla danışıqların yaxşı getdiyini bəyan edib. Danışıqların növbəti raundu aprelin 19-da Omanda keçiriləcək.
“The Wall Street Journal”ın məlumatına görə, İran nüvə proqramını məhdudlaşdırmaq müqabilində ABŞ-ın sanksiyalarını yumşaltmağa çalışır.
Günay
